Մշտական հոգնածության 7 քողարկված պատճառ. med.news.am

Մշտական հոգնածության ամենաակնհայտ պատճառներն են սակավարյունությունը, շաքարախտը, հիպոթիրեոզը և հեպատիտ C-ն։ Սակայն հոգնածությունը կարող է ունենալ նաեւ քողարկված պատճառներ, որոնց մասին չենք էլ կռահում։ Դրանց մասին պատմել է բժշկուհի Բրենդա Փաուելը։

1․Սննդակարգում ֆասթ-ֆուդի ավելցուկը

Եթե սննդակարգում շատ են տրանս-ճարպերը, հագեցած ճարպերը, վերամշակված մթերքներն ու շաքարը՝ ապա, ամենայն հավանականությամբ, մշտապես եռանդի ու ուժերի պակաս կզգաք։ Բոլոր այդ տեսակի մթերքները խորհուրդ են տալիս փոխարինել ավելի օգտակարով՝ ձկնեղենով, ընկույզով, սերմերով ու ոլոռազգիներով։

2․ Սննդարար նյութերի պակաս

Ժամանակակից շատ մթերքներում օրգանիզմի համար բավարար վիտամինների ու միներալների՝ օրինակ յոդի ու սելենիումի պակաս կա։ Այդ դեպքում ինքնազգացողությունը կլավանա վիտամինների ու միներալների հաբեր ընդունելուց։

3․ Օմեգա-3-ի պակաս

Ձուկը հարուստ է օրգանիզմի համար անհրաժեշտ օմեգա-3 ճարպաթթուներով, բայց մարդկանց մեծ մասը բավարար քանակով ձուկ չի ուտում։

4․Վիտամին D-ի պակաս

Այդ վիտամինն օրգանիզմին տալիս է էներգիա, իսկ դրա պակասի դեպքում մարդը սկսում է մշտական հոգնածություն ու ուժերի պակաս զգալ։

5․Մագնեզիումի պակաս

Շատերը չեն ստանում օրգանիզմին ու հատկապես ոսկրերին ու մկաններին  անհրաժեշտ մագնեզիումի նույնիսկ կեսը։ Մագնեզիումի պակասն  առաջացնում է անքնություն, մկանային սպազմեր, հոդացավ, տագնապի զգացում եւ բարձր ճնշում։

6․Քնի պակաս

Քնի պակասը մշտական հոգնածության ու ուժերի բացակայության ամենակարեւոր պատճառներից է, չնայած շատերը չեն գիտակցում դա։

7․ Անշարժ կենսակերպ

Որքան էլ տարօրինակ չթվա՝ ֆիզիկական ծանրաբեռնվածության պակասը հոգնեցնում է ու զրկում եռանդից։ Եթե ուզում եք ավելի եռանդուն լինել օրվա ընթացքում, սկսեք մարզվել։

Հարցեր, պատասխաններ, մեկնաբանություններ